काठमाडौं । अरुपण आर्ट ग्यालरीले तस्बिरहरूमा समेटिएको कला प्रदर्शनी ‘मेमोरिज अफ सिड्नी (अस्ट्रेलिया) ट्राभल’ थालेको छ । सो प्रदर्शनी शनिबारदेखि सुरु भएको हो ।
प्रदर्शनीमा अस्ट्रेलिया महादेशको सिड्नी, क्यानबेरा, गोल्डकोस्ट, ब्रिसबेन, कफ हार्वरलगायत स्थानका तस्बिरहरू समावेस छन् ।
साहित्यिक पत्रकार संघका अध्यक्ष राधेश्याम लेकालीले तस्बिर प्रदर्शनीको उद्घाटन गर्दै आफू अस्ट्रेलिया जाँदाको अनुभूति ताजा भएर आएको बताए ।
कलाकार एवम् कला समीक्षक रमेश खनाल र अरुपण ग्यालरीकी कार्यकारी निर्देशक रिता खनालले अस्ट्रेलिया भ्रमणलाई तस्बिरमा कैद गरी यस किसिमको प्रदर्शनीमा प्रस्तुत गरेका हुन् ।
कार्यक्रममा नरेन्द्रबहादुर श्रेष्ठ, प्रभु श्रेष्ठ, नारायण कार्की, समीरकुमार रिमाल लगायतले बोलेका थिए ।