site stats
बाह्रखरी :: Baahrakhari
साहित्य
Global Ime bankGlobal Ime bank
यात्रा

सूर्यनारायण एच पेलिस


आदिम युगमा 
एउटा निष्कलंक जंगली जीवन
दौडिरह्यो,
मंगलग्रहको यात्रामा
स्पेससिपमा खुम्चिएको 
विकसित मान्छे बत्तिरह्यो
अनुभूतिका 
फगत दुई थैलाहरू
पालैपालो हावामा हल्लाउँछु

अनेकन् थैलाहरू
पालैपालो जोख्छु
हल्लाइरहन्छु हावामा
फरक तर उस्तै
उस्तै तर फरक
उस्तै र फरकमा समता देख्छु
एक अनवरत नदीजस्तो
प्राप्तिको खोजी गर्छु
खोजीको प्राप्ति गर्छु

सायद बाँच्नका लागि यात्रा
र, यात्राका लागि दूरी चाहिन्छ
त्यसैले बनिरहन्छन् 
गोलवृत्तहरू
सानाठूला गोलवृत्तहरूमा समता देख्छु
र, थाकेर बस्ता
बन्छ एक अल्पविराम
अल्पविरामहरूको एक पूर्णविराम । 
(म्याग्दे–६, तनहुँ)
 

प्रकाशित मिति: शनिबार, वैशाख १५, २०८१  १०:२७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro