पोल्याण्ड । पोल्याण्डका एक विमानचालकले विमान परिचारिका गर्लफ्रेन्डलाई वार्साबाट क्राकोव जाँदा जहाजभित्रै प्रस्ताव गरे ।
उनले पनि ‘हुन्छ’ भनिन् । यो खुसी देखिने जोडीको रोजगारदाता कम्पनी एअओटी पोलिस एयरलाइन्सले फेसबुकमा एउटा भिडियो राखेको छ । जसमा क्याप्टेन कोनराड ह्यांकले हातमा फूलको गुच्छा गर्लफ्रेन्डलाई दिन लागेको देखिन्छ ।
“आजको फ्लाइटमा धेरै विशेष व्यक्ति छन् र मलाई लाग्छ उनले केही पनि अपेक्षा गर्दैनन्,” उनले भने । ‘लेडिज एण्ड जेन्टलम्यान यो ‘जब’ मा करिब डेढ वर्षमा मैले ज्यादै विशेष मान्छे भेटें, जसले मेरो जीवन पूर्ण रुपले बदल्यो’ उनी भन्दै गए ।
“तिमी मेरो लागि एकदमै मूल्यवान छौ । तिमी मेरो सबैभन्दा ठूलो सपना सत्यमा साबित भएको हौ । त्यसैले मैले तिम्रो साथ खोजेको हुँ । के तिमी म सँग बिहे गर्छ्यौ ?,” उनले भने ।
त्यसपछि मिसेस ह्यांकको रुपमा पाउला कुदेर आफ्ना भविश्यका पतिलाई अंकमाल गर्न पुगिन । ‘मलाई थाहा छैन, यसका लागि यो दाहिने हात हो’ हर्षित अवस्थामा भएका यात्रुको अगाडि ह्यांकले उनको औंलामा औंठी छिराउँदै गर्दा पाउलाले भनिन् ।
यही अप्रिल २१ को यो घटनाबारे राखिएको फेसबुकको भिडियोमा एक हजार भन्दा बढी कमेन्ट छन् । त्यहाँ सबैले यो जोडीलाई बधाई दिएका छन् । यो जोडीले आफूहरुको सम्बन्ध इलोना जाहन र इयान डंकनको जस्तै ५० वर्षसम्म रोमान्समा बित्ने अपेक्षा गरेको छ ।
ती जोडीले पनि यसअघि जहाजमा विवाह गरेका थिए । पान अमेरिकन वर्ल्ड एयरवेजमा जाहन फ्लाइट एटेण्डेन्ट थिइन् भने डंकन विमान चालक थिए । उनीहरूले इटालीको रोमबाट इरानको तेहरान जाने क्रममा सन १९७० मा विवाह गरेका थिए ।
डंकनको ८६ वर्षको उमेरमा सन् २०२१मा निधन हुनु अघिसम्म त्यो जोडीको सधै राम्रो सम्बन्ध रहेको बताइएको छ । सीएनएनबाट
