काठमाडौं । सोमबार बिहान एलन मस्कले एउटा ट्विटर पोल राखे । प्रश्न थियो– के मैले ट्विटरको प्रमुख पदबाट हट्नुपर्छ ?
उनले प्रश्न मात्र राखेका थिएनन् । पोलबाट आउने नतिजालाई पालना गर्ने पनि बताएका थिए ।
सोमबार साँझसम्म पोलको अन्तिम नतिजा आइसेको छ । जसमा एक करोड ७५ लाख प्रयोगकर्ताले मतदान गरेका छन् ।
अन्तिम नतिजाले भन्छ– मस्कले ट्विटरको प्रमुख पद छोड्नुपर्छ । अर्थात् ५७ दशमलव ५ प्रतिशतले मस्कले ट्विटरको प्रमुख पद छोड्नुपर्ने बताएका छन् । ४२ दशमलव ५ प्रतिशले मस्क पक्षमा मतदान गरेका छन् ।
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
उनी गत अक्टोबर २७ मा ट्विटरको प्रमुख भएका थिए । तर, निरन्तर विवादमा आइरका छन् । कर्मचारीलाई अवैध रूपमा बर्खास्त गरेको, ट्विटर अकाउन्टमा ब्लू टिकबापत शुल्क लिन खोजेकोजस्ता विषयमा उनको आलोचना भइरहेको छ ।
