काठमाडौं । टीभीएस मोटर कम्पनीले २०२४ टीभीएस अपाचे आरटीआर १६० मोटरसाइकल नेपालमा सार्वजनिक गरेको छ । नेपाली ग्राहकहरूमा टीभीएसको अपाचे सिरिज, मोटरसाइकल उत्साहीहरूमाझ लोकप्रिय ब्रान्ड समेत रहेको छ ।

नयाँ २०२४ टीभीएस अपाचे आरटीआर १६० स्ट्राइकिङ स्टाइल एलिमेन्टहरू र रेसिङ डीएनए अनुरूप नयाँ आकर्षक ग्राफिक्सको साथ अपडेट गरिएको कम्पनीले जनाएको छ । यसको न्यु–जेन इन्जिनले बेस्ट–इन–क्लास पावर प्रदान गर्ने र राइडरहरूको लागि अझ राम्रो प्रदर्शन र माइलेज सुनिश्चित गरेको कम्पनीले दाबी गरेको छ ।

टीभीएस अपाचे आरटीआर १६० मा दुई किलोग्रामको तौल घटाउनुका साथै पावर वृद्धि भएको कारणले सहज सवारी अनुभवको लागि पावर–टू–वेट रेसिओमा वृद्धि ल्याएको छ ।

“२००५ मा पहिलोपटक लन्च गरिएको टीभीएस अपाचे, ६० भन्दा बढी देशहरूमा छोटो समयमा प्रख्यात स्पोर्ट्स ब्रान्ड भएको हो । टीभीएस रेसिङको लामो इतिहासलाई निरन्तरता दिँदै, फ्याक्ट्री रेसिङ टोलीले ट्र्याक टू रोड अवधारणामा आधारित निर्माण र परिष्कृत शृंखलाले रेसिङको परिवर्तनमा योगदान पुर्‍याएको छ,” विज्ञप्तिमा भनिएको छ । गत वर्ष यसको पाँच मिलियन बिक्री अंक पार गरेर सोही कुरालाई पुष्टि गरेको छ ।

प्रिमियम, टीभीएस मोटर कम्पनीका हेड बिजनेस विमल सुम्ब्लील नेपालमा द्रुत वृद्धि भइरहेको अपाचे ओनर ग्रुपको उत्साह र समर्थन असाधारण रहेको बताए । जसमा अहिले विश्वभर ५० लाखभन्दा बढी सदस्यहरू संग्लग्न रहेको उनको भनाइ छ । 

२०२४ टीभीएस अपाचे आरटीआर १६० मोटरसाइकलमा उत्कृष्ट ग्रिप प्रदान गर्ने रेमोरा ट्युबलेस टायर र डिस्क ब्रेक जडान गरिएको छ । यसले गुणस्तर बढाउनुका साथै समग्र पर्फमेन्समा सुधारको लागि ब्लुटुथद्वारा सञ्चालित स्मार्ट एक्सोनेट टीएमसहितको पूर्ण डिजिटल इन्स्ट्रुमेन्ट क्लस्टर रहेको कम्पनीले जनाएको छ ।

आरटीआर ओभरस्क्वायर न्यु–जेन इन्जिनद्वारा संचालित, २०२४ टीभीएस अपाचे आरटीआर १६०मा चार ओटा स्ट्रोक, फ्युल–इन्जेक्टेड १५९.७ सीसी सिंगल–सिलिन्डर, दुई–भल्भ ओटा एसओएचसी एयर–कूल्ड इन्जिन रहेको छ भने यसको पावरहाउसले ८५०० आरपीएममा ११.१९ किलोवाटको अधिकतम पावर र ६००० आरपीएममा १३.०८ एनएम पीक टर्क प्रदान गर्दछ ।

डबल–क्र्याडल सिन्क्रो स्टिफ चेसिस रहेको मोटरसाइकलमा आक्रामक ब्रेकिङ, स्ट्रेट लाइन पर्फमेन्स र टाइट कर्नरिङका लागि उत्कृष्ट  पाँच–स्पीड गियरबक्स र २७० एमएम रोटो–पेटल डिस्क ब्रेकले छ । यसको सिङ्क्रोनाइज्ड स्टिफ चेसिसले पर्फमेन्स मात्र नभई राइडरहरुका लागि सुरक्षित सन्तुलन पनि सुनिश्चित गर्ने कम्पनीले दाबी गरेको छ ।

२०२४ टीभीएस अपाचे आरटीआर १६०–म्याट ब्लू, रेसिङ रेड, ग्लोस ब्ल्याक, टी ग्रे र पर्ल ह्वाइट गरी पाँचवटा रंगमा उपलब्ध हुनेछ ।  जसको मूल्य तीन लाख पाँच हजार ९०० रुपैयाँ रहेको छ ।