काठमाडौं । नेपाली कांग्रेसले शनिबार घोषणापत्र सार्वजनिक गर्यो । मंसिर ४ गते हुने प्रदेशसभा र प्रतिनिधिसभा निर्वाचनका लागि संकल्पपत्र भन्दै कांग्र्रेसले घोषणापत्र सार्वजनिक गरेको हो । महामन्त्री विश्वप्रकाश शर्माको नेतृत्वमा रहेको ४१ सदस्यीय घोषणापत्र लेखन समितिले तयार पारेको ५२ पृष्ठ लामो घोषणापत्र सार्वजनिक गरिएको हो ।
 
घोषणापत्र सार्वजनिक कार्यक्रममा महामन्त्री शर्माले सार्वजनिक पदधारणा गरेका व्यक्तिले सम्पत्ति विवरण सार्वजनिक गर्दै पारदर्शी बन्ने बाध्यता सिर्जना गरिने उल्लेख गरे । उनले यसका लागि बाध्यकारी कानुन निर्माण कांग्रेस नेतृत्वको सरकारले गर्ने उल्लेख गरे ।

तर, कांग्रेस नेतृत्वमा गठबन्धन सरकार बनेको एक वर्ष वितिसक्यो । सरकार प्रमुख कांग्रेस सभापति शेरबहादुर देउवा छन् । प्रधानमन्त्री देउवा र देउवा सरकारका अन्य मन्त्रीहरुले सम्पत्ति विवरण डेढ वर्ष पुग्नै लाग्दासमेत सार्वजनिक गरेका छैनन् । 

घोषणापत्रमा जे लेखिए पनि वर्तमान सरकारनै यसप्रति उत्तरदायी देखिदैन । याे सरकारले मन्त्रिपरिषद् बैठक निर्णयबाटै सम्पत्ति विवरण सार्वजनिक गर्ने निर्णय गरेको थियो । तर, अहिले सम्म सार्वजनिक भएको छैन । सम्पत्ति विवरण बुझाए पनि सार्वजनिक भने गरेका छैनन् ।

• के छ कांग्रेसको घोषणापत्रमा ? (पूर्णपाठ)