काठमाडौं । परशुराम नगरपालिकाका मेयर भरत जोशीको नेतृत्व र श्रमदानमा तटबन्ध निर्माण कार्य अगाडि बढाइएको छ । गत भदौ ३१ र यही असोज १ गते अविरल वर्षापछि आएको बाढीले परशुराम नगरका सरगौडा, ठण्डजला र सिमलखेतमा ठूलो क्षति पुर्याएको थियो ।

थप क्षति रोक्नका लागि जालीमा ढुङ्गा भर्ने काम युद्धस्तरमा अगाडि बढाइएको मेयर जोशीले बताए । जसका लागि मेयर जोशीसहितका स्थानीय श्रमदानमा सक्रिय छन् । आफू पछिल्लो तीन दिनयता जनतासँगै श्रमदानमा रहेको मेयर जोशीले बताए । तत्कालका लागि समाधान खोज्ने र दीर्घकालीन योजना बनाएर कटान नियन्त्रणका कदम चालिने मेयर जोशीले बताए ।

महाकाली नदीसमेत डडेल्धुराको परशुराम क्षेत्र भएर बग्ने गर्दछ । परशुराममा हरेक वर्ष बाढीले ठूलो क्षति गर्दै आएको छ ।