![नेप्से स्थिर, कारोबार रकम दैनिक बढ्दै](https://12khari.top/uploads/posts/Nepse1662027173.jpg)
काठमाडौं । बुधबार २२ अंकले घटेको नेप्से आज स्थिर रहेको छ । आज नेप्से परिसूचक १.०८ अंक घटेर १९७२.२९ विन्दुमा रोकिएको छ ।
नेप्से परिसूचक स्थिर भएपनि कारोबार रकममा भने सुधार देखिएको छ । बुधबारको तुलनामा आज कारोबार रकममा वृद्धि भएको छ ।
गत मंगलबार एक अर्ब एक करोड रुपैयाँको सेयर कारोबार भएकोमा त्यसयताका दुई करोबार दिनमा कारोबार रकम लगातार बढेको छ । बुधबार एक अर्ब १२ करोड रुपैयाँको कारोबार भएको थियो भने आज बढेर एक अर्ब ३८ करोड रुपैयाँ पुगेको छ ।
तर, लगानीकर्ताको सम्पत्तिको मूल्य (कुल बजारपुँजीकरण) भने घटेको छ । बुधबार २८ खर्ब ३० अर्ब रुपैयाँ कुल बजार पुँजीकजरण भएकोमा आज एक अर्ब घटेर २८ खर्ब २९ अर्बमा झरेको छ ।
![Global Ime bank](https://baahrakhari.com/uploads/bigyaapan/30885600.gif)
आज २२५ धितोपत्रको ३९ लाख ५५ हजार ८८६ कित्ता सेयर खदिरबिक्री भएको छ । सर्वाधिक सेयर मूल्य वृद्धि हिमालयन एभरेस्ट इन्स्योरेन्सको भएको छ । यो कम्पनीको सेयर मूल्य १० प्रतिशत वृद्धि भएको छ ।
त्यस्तै आज पनि नेपाल दूरसञ्चार कम्पनी लिमिटेडको सर्वाधिक रकमको सेयर खरिदबिक्री भएको छ । यो कम्पनीको एक अर्ब २२ करोड रुपैयाँको सेयर खरिदबिक्री भएको छ ।
आज कारोबारमा आएका १३ समूहमध्ये ६ वटा समूहको परिसूचक घटेको छ भने बाँकी समूहको परिसूचक वृद्धि भएको छ । सर्वाधिक परिसूचक बढ्नेमा वित्त समूह रहेको छ । यो समूहको परिसूचक १.३१ प्रतिशत वृद्धि भएको छ । त्यस्तै सर्वाधिक परिसूचक घट्नेमा अन्य समूह रहेको छ । यो समूहको परिसूचक १.९२ प्रतिशत घटेको छ ।