काठमाडौं । ललितपुरको च्यासलमा आजदेखि दुईदिने एम्पुटी फुटबल प्रतियोगिता सुरु भएको छ ।

शनिबार (भोलि)सम्म चल्ने प्रतियोगितामा नेपाल आर्मी, सगरमाथा क्लब, राइजिङ युथ क्लब र पिस युनाइटेड क्लब गरी चार टिम सहभागी छन् ।

सन् २०१८ मा स्थापना भएको एम्पुटी खेल समाज नेपालको व्यवस्थापनमा प्रतियोगिता आयोजना गरिएको हो । समाजले गरेको यो तेस्रो फुटबल प्रतियोगिता हो ।

आज भएको पहिलो खेलमा नेपाल आर्मीले पिस युनाइटेड क्लबलाई ४–० ले हराएको छ ।

आजै भएको दोस्रो खेलमा सगरमाथा क्लब र राइजिङ युथ क्लब २–२ गोलको बराबरीमा रोकिएपछि खेल पेनाल्टी सुटआउटमा गएको थियो । जसमा सगरमाथा क्लब विजयी भयो ।

अब भोलि सगरमाथाले नेपाल आर्मीसँग फाइनल खेल्नेछ ।

तस्बिरहरू : सुनिल प्रधान/बाह्रखरी