काठमाडौं । कलाकार पल्पसा डंगोल उर्फ चम्सुरीको गएको माघ २६ गते नै मृगौला प्रत्यारोपण हुनुपर्ने थियो । तर, कोरोनाको नयाँ भेरियन्ट ओमिक्रोनका कारण उनको प्रत्यारोपण हुन पाएन ।
स्वास्थ्यकर्मीहरूमा पनि संक्रमण देखिएपछि शिक्षण अस्पतालले मृगौला प्रत्यारोपण सेवा केही समयका लागि स्थगित गरेको थियो । तर, स्थिति सामान्य भएपछि अहिले अस्पतालले प्रत्यारोपण सेवा सुरु गरिसकेको छ ।
योसँगै अब चम्सुरीले चाँडै मृगौला पाउँदैछिन् । प्रत्यारोपणका लागि उनले यही फागुन २६ गतेको समय पाएकी छन् ।
“माघ २६ गते गर्ने भनिएको थियो । तर स्वास्थ्यकर्मीहरूमा नै कोरोना देखिएपछि सेवा बन्द गरिएको थियो । अब यही फागुन २६ गते हुँदैछ,” उनले भनिन् ।
उनलाई कानुनअनुसार उनकै रगतको नाता पर्नेले मृगौला दान गर्दैछन् । तर कसले दिन लागेको भनेर भनेबारे उनले खुलाउन चाहिनन् ।
उनले अहिले हप्ताकै तीनपटकसम्म डायलाइसिस गराइरहेकी छन् । आफूले प्यास मेटिनेगरी पानीसमेत पिउन नपाएको उनी बताउँछिन् । अब उनी छिट्टै मृगौला पाएर प्यास मेटिनेगरी पानी पिउन चाहन्छिन् ।
“पानी प्यास लाग्छ नि ! मुख नै सुक्छ । तर औषधि खाँदा थोरै बाहेक पानी पिउन पाउँदिन । धेरै प्याकप्याक भए मुख भिजाउने मात्रै हो । अब प्रत्यारोपणपछि भने प्यास मेट्नेगरी पानी पिउन पाइन्छ,” खुसी हुँदै उनले भनिन् ।
उनले अहिले आफन्तबाट एउटा मृगौलाले पनि लामो समय बाँचिने थाहा पाएकी छन् । त्यसै उनी खुसी हुँदै भन्छिन्, “एउटा मृगौलाले पनि २०-३० वर्ष मज्जाले बाँचिने रहेछ । म अस्पताल हुँदा कति यस्ता व्यक्तिहरू भेट्न आउनुभएको थियो । मेरै एकजना आफन्त नै जन्मिदै एउटा मृगौला लिएर जन्मिनु भएको रहेछ हामीले पछि मात्रै थाहा पायौँ । त्यस्तो पनि हुने रहेछ । खानेकुरा अनि स्वास्थ्यमा हेरविचार गर्यो भने एउटा मृगौला भएर पनि लामो समय बाँच्न सकिने रहेछ ।”
.jpeg)
उनले मसिंर ६ गते अस्पताल पुगेर यसका लागि आवश्यक सबै कागजपत्रको काम गरिसकेकी थिइन् ।
सबै मिलेपछि खुसी भएर उनले हालै चाबहिलस्थित आफ्नै निवासमा बुद्ध भगवानको पुजा राखेर र राधेराधेमा गएर भोजन गराएकी थिइन् ।
“प्रत्यारोपण गरेको १,२ हप्ता अस्पतालमै नर्सहरूको हेरचाहमा बस्नुपर्छ रे ! त्यो बेला आफन्तहरूपनि खासै भेट्न नपाइने रहेछ । अनि त्यसपछि त घर फर्किएर घरमा एक महिना जति आराम गर्छु र फेरि काममा फर्किन्छु,” चम्सुरीले सुनाइन् ।
-1732264768.jpg)
-1716278128.jpg)
-1723532556.jpg)
-(1)-1723345266.jpg)
