काठमाडौं । ललितपुरको सानेपामा दसैंका लागि भगवतीलगायत अन्य देवीदेवताको मूर्ति बनाउन कलाकार (मूर्तिकार) अहिले निकै व्यस्त छन् । चाडबाड आगमनसँगै उनीहरुको व्यस्तता पनि ह्‍वात्तै बढ्ने गर्छ ।

विश्‍वकर्मा पूजा, दसैं, तिहारजस्ता पर्वमा भारतबाट पूर्ण पण्डितको परिवारै नेपाल आउने गर्छ । यो उनको सिजनको समय पनि हो । यो सिजनमा उनले माटोबाट विभिन्‍न देवीदेवताका सुन्दर मूर्ति बनाउँछन् र बेच्छन् । यसैको कमाइबाट उनको परिवारले वर्षदिनको खर्चपर्च चलाउँछ । 

पूर्णले थप पाँच मूर्तिकारलाई ज्यालादारीकै रुपमा भारतबाट सँगै ल्याएका छन् । अघिल्ला वर्षमा माटाका मूर्तिको माग निकै हुने गरे पनि अहिले कोरोना कहरकै कारण बिक्री र माग घटेको पूर्ण बताउँछन् । 

माग घटेसँगै केही मूर्तिकारलाई उनले घर (भारत) पठाइसकेका छन् । उनले बनाएका मूर्ति सिँगार्नका लागि उनका दुई छोरा र पत्‍नीले पनि साथ दिने गर्छन् । ‘‘मिहिनेतअनुसार मैले एउटा मूर्तिको १० हजार रुपैयाँदेखि एक लाख रुपैयाँसम्म लिने गरेको छु,’’ पूर्णले बाह्रखरीलाई सुनाए । हेरौं थप तस्बिरहरु :