काठमाडौं । कोरोना भाइरस (कोभिड–१९) संक्रमणको जोखिम न्यूनीकरण एवं रोकथामका लागि जारी भएको लकडाउनको आज ४५औं दिन हो ।

गत चैत ११ देखि लागु गरिएको लकडाउन ४५ दिनसम्म आइपुग्दा जनजीवन प्रभावित भएको छ । उसो त सरकारले हिजो मात्र थप दश दिन लकडाउन थपेको छ । अब जेठ ५ गतेसम्म लकडाउन कायम रहने हिजो बसेको मन्त्रिपरिषद् बैठकले निर्णय गरेको हो । 

यसैबीच लकडाउन पूर्ण पालना गराउन प्रहरीले जाँचलाई कडा बनाएको छ । आज पनि काठमाडौं उपत्यकाका विभिन्न क्षेत्रमा लकडाउनको पूर्ण पालना भएको छैन । एयरपोर्ट, कोटेश्वर, तीनकुने, बानेश्वर, माइतीघर मण्डल, थापाथलीलगायत ठाउँमा प्रहरीले सवारीसाधनको जाँचमा कडाइ गरेको देख्न सकिन्छ । 

सडकमा अत्यावश्यक सवारीसाधन, कर्मचारीका साधन, ढुवानीका साधनको चाप भने बढेको देखिन्छ । अत्यावश्यक र पासवाहक सवारीसवारी साधनको भिडले सडक व्यस्त बनेको छ । सडकमा सवारीसाधनको लामो लाइन देख्न सकिन्छ । अनावश्यक रूपमा सञ्चालन गरिएका सवारीसाधनलाई प्रहरीले नियन्त्रणमा लिएको छ । यस्तै उपत्यकाका भित्री सडकहरूमा भने दैनिक उपभोग्य पसलहरू निर्वाध खुलेका छन् । आफ्नो घरनजिकको पसलमा सर्वसाधारणले दैनिक उपभोग्य सामग्री किनमेल गरेको देखिन्छ । उपत्यकामा गुडेका सवारीसाधनलाई प्रहरीले जाँच गर्दै गरेका थप तस्बिर :