काठमाडौं । वेनीबाट नारायणघाट हिँडेको बस पर्वतको मालढुङ्गामा केही बेरअघि दुर्घटना हुँदा ३ जनाको मृत्यु भएको छ भने थुप्रै घाइते भएका छन् ।  पत्रकार माया अधिकारीले बाह्रखरीलाई जानकारी गराएअनुसार मृतकको सनाखत भइसकेको छैन । प्रहरीले समेत घटनाको पूर्ण विवरण नआएको जनाएको छ । घाइतेलाई  बाग्लुङ र पर्वतका जिल्ला अस्पतालहरुमा उपचारका लागि लगिएको छ । 

बस सुकुम्बासी टोलमा दुर्घटना भएको हो ।  ग १ ख ६१०८ नम्बरको सो बसमा चालक सहित करिब ३० जना सवार रहेको अनुमान गरिएको छ ।