काठमाडौं । चालु आर्थिक वर्षको पहिलो त्रैमाशमा बुटवल पावर कम्पनी लिमिटेड(बीपीसी) को नाफा ५९ प्रतिशतले घटेको छ । 

चालु आवको असोजसम्म बीपीसीले २ करोड १५ लाख रुपैयाँ मात्र नाफा गरेको छ । अघिल्लो वर्षको सोही अवधिमा उसको नाफा ५ करोड ३० लाख रुपैयाँ नाफा थियो । गत आवमा बीपीसीको कुल नाफा २१ करोड ७८ लाख रुपैयाँ थियो । झिम्रुक आयोजनालाई बाढीले क्षतिग्रस्त बनाएको र समयमा मिटर रिडिङ नभएका कारण र आँधिखोला आयोजनाबाट हुने आम्दानी घटेपछि गत आवको तुलनामा पहिलो त्रैमाशमा नाफा घटेको बीपीसीले जनाएको छ । बीपीसीको प्रतिसेयर आम्दानी १.२ रुपैयाँ छ । 

बीपीसीले ३७.६ मेगावाटको कावेली ए र ३० मेगावाटको न्यादी जलविद्युत् आयोजना निर्माण गर्दै छ ।