काठमाडौं । कोरोना भाइरसको त्रासले काठमाडौं उपत्यका छाड्ने यात्रुको संख्या ह्वात्तै बढेको छ । बिहीबार मात्रै १ लाख ८ हजार ४५८ यात्रु उपत्यकाबाट बाहिरिएका छन् ।

महानगरीय ट्राफिक महाशाखाका अनुसार बिहीबार १ लाखभन्दा बढी यात्रु बाहिरिँदा ८३ हजार १ सय ३९ जना काठमाडौं भित्रिएका छन् ।

तथ्याङ्क अनुसार बिहीबार १५ हजार १ सय ४० सवारी साधन काठमाडौं भित्रिएका छन् भने १५ हजार ५ सय ५४ बाहिरिएका छन् । सरकारले स्कुल, कलेज, विश्वविद्यालयमा समेत बिदा दिने निर्णय गरेकाले उपत्यका छाड्नेको संख्या बढेको बताइएको छ ।

उपत्यका छाड्नेको संख्या बढेसँगै सवारी धनीहरूले मनोमानी ढङ्गबाट भाडा असुल्ने गरेको छन् । 

भाडादर हेर्न यहाँ क्लिक गर्नुहोेस ।