दक्षिण सुडान । दक्षिण सुडानको राजधानी जुवास्थित राष्ट्रिपति भवन वरपर शुक्रबार साँझ भएको झडपमा कम्तिमा १५० जनाको मृत्यु भएको बताइएकोे छ । सुडानको पिपुल्स लिबरेसन इन आर्मीका प्रवक्ता विलियम गाटजियथले शनिबार मृतकमध्ये अधिकांश सैनिक अधिकारी रहेका र जुवा शिक्षण अस्पतालको मुर्दाघर मृत शरीरले भरिएको बताए ।  

 

हाम्रो अङ्गरक्षकको पहिलो घेराभित्र मात्रै ३५ जना सेना मृत फेला परेका उनले बताए । राष्ट्रपति भवनलाई सुरक्षार्थ खटिएका ८० जना सेना भवन वरपर खटिएकामा उनीहरु केही पनि सम्पर्कमा नआएका पनि उनले बताए ।  

 

यसैगरी दक्षिण सुडानको जेबेल कजुरस्थित संयुक्त राष्ट्रसङ्घको शिविर नजिकै रहेको प्रतिपक्षी दलको प्रमुखको घरमा पनि आक्रमण भएको छ तर यसमा के कति हताहती भएको भन्ने खबर अझै प्राप्त भै नसकेको प्रवक्ता गाटजियाथले बताए ।  

 

शुक्रबारको आक्रमण ठूलो भएको बताउँदै उनले यसमा मृत्यु हुने सेना, कर्मचारीलगायत अन्य नागरिकको सङ्ख्या थप बढ्न सक्ने उनले बताए ।  

 

शुक्रबार साँझ राष्ट्रपति साल्मा कीर, प्रथम उपराष्ट्रपति रिएक मसार र उपराष्ट्रपति वानी इगाले बिहीबार भएको एक झडपमा पाँच जना सेनाको ज्यान गएपछि आएको परिस्थितिका बारेमा राष्ट्रपति भवनमा कुराकानी गरिरहेको बेला उक्त भवनमा आक्रमण भएको थियो । 

 

घटनामा किन कसले गरेको भन्नेबारे अहिलेसम्म थाहा भइनसकेको जनाउँदै अनुसन्धानपछि सबै कुरा बाहिर आउने लिवरेसन आर्मीका प्रवक्ताले बताए । शनिबार भने दक्षिण सुडानको स्वतन्त्रता दिवस मनाइरहँदा राजधानी जुवामा दिनभर कुनै झडपका घटना नभएको बताइएको छ । रासस/सिन्ह्वा/एएफपी