चितवन । चितवन मेडिकल कलेजमा उपचाररत चितवनका कोरोना संक्रमित पुरुषको मृत्यु भएको छ । अस्पतालका अनुसार खैरहनी नगरपालिका वडा नम्बर १३ का ७३ बर्षीय बृद्धको मृत्यु भएको हो । 

ज्वरो , खोकी, रुघा तथा श्वास प्रश्वासमा समस्या भई कात्तिक २ गते अस्पताल भर्ना भएका उनको कात्तिक ३ गते कोरोना पोजेटिभ पुष्टि भएको थियो । 

मधुमेह रोगले समेत ग्रसित उनको कोभिड आइसीयु कक्षमा उपचारको क्रममा बुधबार राती  ७ बजेर ५३ मिनेट जांँदा मृत्यु भएको अस्पतालका निर्देशक दयाराम लम्सालले जानकारी दिए ।