काठमाडौं । कोरोना महामारीका कारण लामो समयदेखि बन्द पशुपतिनाथको मन्दिर सुनसान भएको छ । लामो समयदेखि पशुपतिनाथको मन्दिर बन्द हुँदा मन्दिर क्षेत्रमा व्यवसाय गर्दै आएकाहरु विचल्लीमा परेका छन् ।

मन्दिर क्षेत्रका थोरै पसल खुला भएका छन् भने धेरैजसो पसलहरु व्यापार नहुँदा बन्द भएका छन् । मन्दिर क्षेत्रमा व्यवसाय गरेर परिवार पाल्दै आएका व्यापारीहरु कोरोनाका कारण लामो समयदेखि मन्दिर बन्द हुँदा अहिले तनाव देखिन्छन् ।

यता पशुपति क्षेत्रका पशुपक्षीहरु पनि पर्याप्त खानेकुरा नपाउँदा दुब्लाएका छन् । यतिबेला पशुपतिनाथको मन्दिरलाई बाहिरबाटै दर्शन गर्नका लागि उपत्यकाका भक्तजनहरु आउने हुँदा मन्दिर वरिपरि सामान्य चहलपहल हुने गरेको छ ।