एजेन्सी । कोरोना भाइरसको महामारीले साउदी अरबको गौरव मानिने सरकारी तेल कम्पनी ‘अरामको’ मा पनि नराम्रो असर परेको छ । यस वर्षको दोस्रो त्रैमासिकमा ‘अरामको’ को आम्दानीमा ७३ प्रतिशत गिरावट आएको छ ।
कोरोना भाइरसको महामारी र संक्रमणबाट जोगिन विश्वभर लगाइएको प्रतिबन्धका कारण तेलको माग र मूल्यमा आएको गिरावटको प्रत्यक्ष असर साउदीको तेल कम्पनी ‘अरामको’ मा पनि परेको छ ।
कम्पनीले यस वर्ष ७५ अर्ब डलर लाभांशका रुपमा भुक्तान गर्नुपर्नेछ । वैश्विक बजारमा तेलको घट्दो मागका कारण ‘अरामाको’ ले आफूलाई स्वयम् प्रभावित भएको पाएको छ । यद्यपि, कम्पनीका कार्यकारी प्रमुख (सीईओ) आमिन नासिरले वैश्विक बजारमा तेलको स्थिति सुधर भइरहेको बताएका छन् ।
साउदी अरबको राजस्व घाटालाई सन्तुलित राख्न ‘अरामाको’ को लाभांशको अहम् भूमिका हुने गर्छ । यस वर्ष ३० जुनमा सकिएको दोस्रो त्रैमासिकमा कम्पनीको आम्दानीमा ६.५७ को गिरावट आएको छ । गत महिनाको अन्तिमतिर ‘अरामको’ लाई पछाडि पार्दै ‘एप्पल’ विश्वकै सबैभन्दा ठूलो ‘पब्लिक कम्पनी’ बनेको थियो । -बीबीसी
