एजेन्सी । प्रिमियर लिग क्लब म्यानचेस्टर युनाइटेडमा हस्तान्तरण नभए आफू बोरुसिया डर्टमन्डमा खुसी रहेको जाडोन सान्चोले बताएका छन् ।
जर्मन रिपोर्टका अनुसार उनले डर्टमन्डमा पूर्ण समर्पित र प्रतिबद्ध हुने क्लबलाई जानकारी दिएको जनाएको छ ।
२० वर्षीय विंगर सान्चो यतिबेला युनाइटेडसँग जोडिएका छन् । व्यक्तिगत शर्तहरूमा सहमति भइरहे पनि शुल्कका विषयमा भने डर्टमन्ड र युनाइटेडबीच समहती हुन सकिरहेको छैन् ।
युनाइटेड सान्चोका लागि १०८ मिलियन पाउण्ड तिर्न तयार नभएको रिपोर्टमा उल्लेख गरिएको छ । यता जर्मन क्लब भने सान्चोको मूल्य घटाउन तयार भएको र्छैन् । यसै समय सान्चोले युनाइटेडसँगको सम्झौता सफल नभए आफु क्लबका लागि पहिले जस्तै पूर्ण समर्पण र प्रतिबद्धताका साथ काम गर्ने प्रतिक्रिया दिएका छन् ।
सान्चोले यस सिजन १९ गोल गर्दै १९ असिस्ट प्रदान गरेका थिए । उनले अर्को सिजन आफ्नो यसै लयलाई दोहर्याए जुन सुकै क्लबमा रहेपनि क्लबलाई ठूलो प्रोत्साहन दिलाउने छन् ।
यता युनाइटेड यस समयमा सान्चो अनुबन्धका लागि कुनै क्लब प्रतिस्पर्धामा नरहेकाले सहज छ । तर, अन्य क्लबले सान्चो अनुबन्धका लागि चासो देखाएको खण्डमा युनाइटेडलाई भने गाह्रो पर्नेछ ।