एजेन्सी । इङ्ल्यान्डविरुद्धको पहिलो टेस्टको पहिलो पारिमा पाकिस्तान बलियो देखिएको छ । १०९.३ ओभर खेल्दै ३ सय २६ रन जोडेको पाकिस्तान पहिलो पारिमा इङ्ल्यान्डविरुद्ध बलियो देखिएको हो । यता इङ्ल्यान्डले जवाफी ब्याटिङ गर्दै २८ ओभरमा चार विकेट गुमाएर मात्र ९२ रन जोडेको छ । पहिलो ओभरमा नै ओपनर ब्याट्सम्यान रोरि जोसेफ बुर्न्सलाई गुमाएको इङ्ल्यान्डले चौथो ओभरमा डोम सिब्लीलाई गुमाउँदै खराब सुरुवात गरेको थियो ।
त्यसको लगत्तै बेन स्टोक्स र कप्तान जोए रुट पनि आउट भए । रुट १४ रनमा आउट हुदा सिब्ली ८, रोरि ४ र स्टोक्स शुन्य रनमा पेभेलियन फर्किएका थिए । पाकिस्तानका लागि मोहम्मद अब्बस्ले दुई तथा शाहिन अफ्रिदि र यसिर शाहले एक एक विकेट लिए । त्यसपछि मैदान आएका ओले पोपेले इङ्ल्यान्डको पारि सम्हालेका थिए । उनी ५६ रनमा अविजित छन । त्यस्तै विकेटकिपर ब्याट्सम्यान जोस बुट्लर २५ रनमा अविजित छन । पोपे र बुट्लरले तेस्रो दिनको पारी त्यहिबाट आज सुरु गर्ने छन् ।
यता पाकिस्तानले भने १०९.३ ओभरमा सबै विकेट गुमाउँदै ३ सय २६ रन जोडेको थियो । पाकिस्तानका लागि शन मसूदले शतकीय पारि खेले । उनले १५६ रनको शतकीय पारि खेलेका हुन् । त्यस्तै बाबर आजमले ६९ रनको अर्धशतकीय पारि खेल्दा शाबाद खानले ४५ रनको योगदान दिएका थिए । इङ्ल्यान्डका लागि स्टुवार्ड ब्रोड र जोफ्रा आर्चरले समान तीन तीन विकेट लिए । त्यस्तै क्रिस ओक्सले दुई तथा जेम्स एन्डरसन डोम बिसले एक एक विकेट लिए ।
