काठमाडौं । कोरोना भाइरसको परीक्षण र उपचारका लागि आवश्यक स्वास्थ्य सामग्री एक महिनालाई पुग्ने गरी मौज्दात रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले कोरोना भाइरस नियन्त्रण र रोकथाममा आवश्यक स्वास्थ्य सामग्री मौज्दात रहेको जानकारी दिए । उनका अनुसार थप आवश्यक स्वास्थ्य सामग्री ल्याउने तयारीमा रहेको छ ।
त्यसैगरी कोरोनाको संक्रमितको उपचारका गरेवापत अस्पताललाई अनुदान दिने आदेश २०७७ स्वीकृत भएको समेत उनले जानकारी दिए ।
लक्षण नभएका वा सामान्य लक्षण भएका संक्रमितको घरमा गएर उपचार तथा निगरानी गरेवापत स्वास्थ्यकर्मीहरुलाई दैनिक २ सय रुपैंया दरले दिने निर्णयभएको उनले जानकारी दिए ।
आइसोलेन सेन्टर वा अस्पतालमा संक्रमितको उपचार गरेबाट दैनिक दुई हजार रुपैंयाका दरले दिने निणय भएको उनले बताए ।
यसैगरी, सामान्य लक्ष्ण भएका ६० वर्षका दिर्घरोगी वा स्वास्थ्य समस्या भएका संक्रमितको व्यवस्थापन गर्ने अस्पताललाई प्रतिदिन प्रति व्यक्ति तीन हजार ५ सय रुपैंया दिने निर्ण भएको समेत उनले जानकारी दिए ।
मध्यम जटिल संक्रमितको उपचार गर्ने प्रतिदिन प्रतिव्यक्तिको उपचार गर्ने अस्पताललाई सात हजार दिने निर्णय भएको छ । उनका अनुसार जटिल संक्रमितको व्यवस्थापन गर्ने अस्पताललाई प्रति बिरामी १५ हजारका दरले दिने निर्णय भएको छ ।