एजेन्सी । जर्मन बुन्डेस लिगा क्लब बोरोसिया डर्टमन्डका युवा खेलाडी जोर्डान सान्चो पछिल्ला दुई सिजन चर्चामा आएका युवा खेलाडी हुन् । उनलाई खेलाडी क्लबहरूले आफ्नो अनुबन्धनको सूचीमा राखेका पनि छन् । 

त्यस्तै म्यान्चेस्टर युनाइटेडका मिडफिल्डर जुवान माटाले सान्चो विश्व फुटबलमा हालका युवा पुस्ताका उत्कृष्ट खेलाडी भएको बताएका छन् । उनले सान्चोलाई युनाइटेडले अनुबन्धन गर्दा धेरै कुरामा फाइदा हुने पनि बताए । 

पछिल्लो समय युनाइटेड राम्रो फममा भने छैन । युनाइटेडले अर्काे सिजन च्याम्पियन्स लिग फुटबमा सहभागिता जनाउन निकै मिहिनेत गरिरहेको छ । लिगको पाँचौं स्थानमा रहेको युनाइटेडलाई च्याम्पियन्स लिग खेल्नका लागि धेरै मिहिनेतको आवश्यकता भने छ । 

“हामी सबैलाई थाहा छ । उनी उत्कृष्ट खेलाडी हुन् भन्ने । सान्चोले बुन्डेस लिगामा उत्कृष्ट सिजन बिताइरहेका छन् । तर, यो बसै भन्ने मेरो कर्तव्य भने होइन,” माटाले भने । 
सान्चोले यो सिजन बुन्डेस लिगामा २३ खेल खेल्दै १४ गोल र १५ असिस्ट गरेका छन् ।