एजेन्सी । विश्वभर महामारीका रूपमा फैलिएको कोरोना भाइरसका कारण विभिन्न खेलकुद प्रतियोगिता स्थगित छन् । यो समयमा हुने ठूला खालका फुटबल प्रतियोगिता पनि स्थगित भएका छन् ।
त्यस्तै विभिन्न क्लबहरूले आफ्ना क्लबका प्रशिक्षणहरू पनि बन्द गरेका छन् । यस्तो समयमा जर्मन क्लब वायर्न म्युनिखले भने प्रशिक्षण थालेको छ । वायर्नको प्रशिक्षण भने पहिलेको भन्दा अलि फरक छ ।
वयार्नले हाल प्रशिक्षण गर्दा सामाजिक दूरी कायम राखेको छ । जसमा प्रशिक्षण स्थलमा कोरोना भाइरसबाट बच्न अपनाइने उपायाहरू पनि अपनाइएको छ । खेलाडीहरू हातमा ग्लब लगाएर प्रशिक्षण स्थलमा पुग्छन् । खेलाडीहरूको थर्मल गनबाट पनि ज्वरोको जाँच गरिन्छ । खेलाडीहरू हालमा स्यानिटाइजर लगाइसके पनि ग्लोब्स लगाएर मैदानभित्र प्रशिक्षणका लागि जान्छन् ।