एजेन्सी । ब्राजिलियन स्टार खेलाडी नेयमारको स्थान्तरणका विषयमा अन्तर्राष्ट्रिय मिडियामा निकै नै चर्चा चलेको छ ।
सेनेगल अन्तर्राष्ट्रिय केइट बाल्डले आफू बार्सिलोनाको अध्यक्ष भए नेयमारलाई तत्कालै अनुबन्ध गर्ने बताएका छन् । “फुटबलका लागि नेयमार महान् छन् । उनी कुनै पनि टिमका लागि खेल्न सक्थे,” केइटले भने, “यदि म बार्सिलोनाको अध्यक्ष या प्रशिक्षक भए, नेयमारलाई भोलि नै अनुबन्ध गर्ने थिएँ ।”
उनले थपे, “ नेमारको क्षमतामा कुनै शंका छैन । बार्सिलोनाको इच्छा पनि छैन । यदि ठूलो मूल्यको सम्झौता गर्न सके उनको ढोका खुला छ ।” उनी विश्व कीर्तिमानी मूल्यमा पीएसजी गएदेखि पुनः स्पेन फर्किने विषयले चर्चा चल्दै आएको छ । त्यतिबेला नेयमार कप्तान लियोनल मेस्सीको छायामा परेकाले आफू पीएसजी पुगेको बताएका थिए ।
नेयमरमा पीएसजीमा अनुबन्धपछि कैयौंपटक चोटिलो बन्नुले फ्रान्समा एक ठूलो मुद्दा बनेको थियो । चोटकै कारणले २८ वर्षीय नेयमारको फुटबलप्रति नै प्रश्न उठेको थियो । तर, नेयामरले पीएसजीका लागि सबै ८० खेल खेल्दा ६९ गोल गरेका छन् ।
नेयमारले सन् २०१९ मा बार्सिलोना फर्किने प्रयास गरेका थिए । तर, उक्त प्रयास सफल हुन सकेन । तर, यतिबेला फेरि बार्सिलोनाले उनीमाथि इच्छा देखाएको खुलासा भएको छ ।