बेइजिङ । चिनियाँ राष्ट्रपति सी जिन पिङले चीन-भारत सम्बन्ध सुरुआतको नयाँ बिन्दुमा पुगेको बताएका छन् । चीन-भारत द्विपक्षी सम्बन्धको ७० औं वर्षगाँठको अवसरमा भारतीय समकक्षी रामनाथ कोविन्दलाई बधाई सन्देश दिँदै भने, "चीन-भारतले विगत ७० वर्षमा असधारण विकासको अनुभव गरेका छन् ।"
दुवै पक्षको साझा प्रयासबाट दुवै मुलुकले शान्ति र समृद्धि र सुमधुर सम्बन्धको विकासका लागि रणनीतिक र साझेदारी सहकार्य गरेको राष्ट्रपति सीले बताए ।
उनले भने, "दुवै पक्षले विभिन्न क्षेत्रमा द्विपक्षी आदानप्रदान र सहकार्य बढाउँदै लगेको र महत्त्वपूर्ण क्षेत्रीय र अन्तर्राष्ट्रिय मामिलामा समन्वयमा लगातार सुधार गरेको छ । "
राष्ट्रपति सीले द्विपक्षीय सम्बन्धमा विकासलाई विशेष महत्त्व दिएको र राष्ट्रपति रामनाथ कोविन्दसँग मिलेर चीन-भारत सम्बन्धलाई नयाँ उचाइमा पुर्याउन काम गर्ने बताए ।
त्यसैगरी भारतीय राष्ट्रपति रामनाथ कोविन्दले भारत-चीनले विगत ७० वर्षमा महत्त्वपूर्ण विकास गरेको बताएका छन् । राजनीति, अर्थ र व्यक्ति-व्यक्तिबीचको आदानप्रदानमा विशेष जोड दिएको कोविन्दले बताएका छन् ।
कोविन्दले भनेका छन्, "भारत-चीको सम्बन्धलाई थप बलियो बनाउन चीनसँग मिलेर दुवै मुलुकको हित र ठूला महत्त्वका विषय, क्षेत्रीय मुद्दा र अन्तर्राष्ट्रिय मामिलामा काम गर्न तयार छौं ।" - सिन्ह्वा