नयाँ दिल्ली । संयुक्त राज्य अमेरिकाले भारतका रहेका आफ्ना नागरिकलाई आवश्यक कागजातसहित अमेरिका फर्किन तयारी अवस्थामा बस्न आग्रह गरेको छ ।
नयाँ दिल्लीस्थित अमेरिकी दूतावासले बिहीबार एक विज्ञप्ति जारी गर्दै भारतमा रहेका आफ्ना नागरिकलाई यात्राका लागि आवश्यक कामजागसहित उद्धारका लागि तयारी अवस्थामा रहन आग्रह गरेको छ ।
कोरोना भाइरसको संक्रमण नियन्त्रणका लागि भारतमा २१ दिनसम्मका लागि लकडाउन घोषणा गरिएको छ । भारतमा हालसम्म ६४९ कोरोना संक्रमित फेला परेका छन् ।
भारतस्थित अमेरिकी दूतावसाले ट्विटमार्फत भनेको छ,"हामी अमेरिकी नागरिकलाई सुरक्षित रहन आग्रह गर्दै आफ्नो यात्राका लागि आवश्यक काजगसहित तयार हुनुहोस् । हामी चाँडै विमान आएको सूचना जारी गर्नेछौं ।"
दूतावासले अमेरिकी विदेश मन्त्रालय र विमान कम्पनीहरुसँग छलफल गरिरहेका उल्लेख गरेको छ । त्यसका लागि वैधानिक अमेरिकी पासपोर्ट र भारतको भिसा हुन आवश्यक छ । - एएनआई