हाम्रो पात्रोले ल्यायो घरमैं बसी डाक्टरसँग भिडियो कल गर्ने सुविधा

हाम्रो पात्रोले ल्यायो घरमैं बसी डाक्टरसँग भिडियो कल गर्ने सुविधा

काठमाडौं । सामाजिक उत्तरदायित्व अन्तर्गत नेपाल चिकित्सक संघ, हाम्रो पात्रो र एनसेलको प्राविधिक सहयोगमा घरमैं बसी कोरोनाभाइरस (COVID-19) को लक्षणसँग मेल खाने देखिएमा स्वास्थ्य सल्लाह तथा परामर्शका लागि 'Ncell CALL TO डाक्टर' सेवा प्रयोग गर्न सकिने हाम्रो पात्रोले जनाएको छ ।

यो सेवा प्रयोग गर्नका लागि हाम्रो पात्रोमा जानुपर्नेछ अथवा यो लिंक खोलेर आफ्नो समयानुसार अनलाइन बसेका नेपाल चिकित्सक संघमार्फत जुटेका डाक्टरहरुसँग सजिलो भिडियो कल गर्न सकिनेछ । डाक्टर अनलाइन भएको खण्डमा 'डाक्टरलाई कल गर्नुहोस्' बटन थिचेर केवल एक क्लिकमैं भिडियो कल मार्फत परामर्शका लागि आफ्ना समस्या तथा शंकालाई डाक्टरसमक्ष प्रत्यक्ष भेटेझै राख्न सकिने हाम्रो पात्रोले जनाएको छ ।
 
यो सेवा हाम्रो पात्रोले नेपाल चिकित्सक संघको अनुरोधमा कोरोना (COVID-19) को संक्रमणको लक्षणसँग मिल्दो समस्या देखिएका नागरिकको लागि एनसेलसँगको प्राविधिक सहकार्यमा तयार गरिएको हो । यस विषम परिस्थितिमा अन्य स्वास्थ्य समस्यासँग सम्बन्धित फोन नगरिदिनुहुन अनुरोध पनि गरिएको छ ।
अप्ठेरोमा रहेकाहरुले तुरुन्त उचित स्वास्थ्य परामर्शसहित सेवा लिन सकून भन्ने उद्देश्य रहेको हाम्रो पात्रोका व्यवस्थापकीय निर्देशक सन्तोष कुमार देवकोटाले बताए ।

कोरोनाभाइरस (COVID-19) को लक्षण देखिएमा वा शंका लागेमा डाक्टरसँग भिडियो कल मार्फत उचित परामर्श प्राप्त गर्नुहोस् 

देश अहिले लकडाउन (बन्दाबन्दी) को स्थितिमा छ र अहिलेको स्वास्थ्य संकटसँग लड्ने यो नै एउटा उत्तम उपाय भएको जारी विज्ञप्तिमा उल्लेख छ ।
यदी तपाईंलाई कोरोना भाईरस (COVID-19) को लक्षणसँग मिल्दो समस्या देखिएको छ भने इन्टरनेटको प्रयोग गरी हाम्रो पात्रोमा उपलब्ध Ncell CALL TO डाक्टर सुविधा प्रयोग गर्न सकिने र यसबाट जोगिन तथा अरुलाई पनि जोगाउन उचित स्वास्थ्य सल्लाह प्राप्त गर्न सकिने हाम्रो पात्रोका संस्थापक अध्यक्ष शंकरराज उप्रेतीले बताए ।

यो महाअभियानमा जुटेर अहिले लकडाउन अन्तर्गत घरमैं स्वास्थ्य परामर्शका लागि यदी डाक्टरहरु स्वयमसेवक भई जुट्न चाहेमा कृपया support@hamropatro.com, aregmi@hamropatro.com, skdevkota@hamropatro.com मा इमेल गर्न सकिने छ ।
Ncell CALL TO डाक्टर सेवामा आवद्ध कसरी हुने र कसरी प्रयोगकर्ताहरुका जिज्ञासालाई सम्बोधन गर्ने बारे थप जानकारी दिने हाम्रो पात्रोले जनाएको छ ।
 

प्रतिकृया दिनुहोस
ad