काठमाडौं । नेपकम्स अन्तर कलेज फुटसल प्रतियोगिता हुने भएको छ । आगामी बुधबार र बिहीबार हुने प्रतियोगितामा ३२ टिमको सहभागिता हुनेछ ।
बालुवाटारस्थित ढुकु फुटसल हबमा प्लान अन परफेक्सनले आयोजनामा प्रतियोगिता हुनेछ । मुख्य प्रायोजक नेपकम्स सर्भिसेज रहेको प्रतियोगितामा टेन प्लस टु र ब्याचलर लेभलका विद्यार्थीले सहभागिता जनाउनेछन् । सहभागी टोलीलाई ८ समूहमा विभाजन गरिनेछ, जसअनुसार प्रतियोगिताका समूह चरणका खेल राउन्ड रोविनका आधारमा र त्यसपछिका खेल नकआउट हुने आयोजकले जानकारी दिएको छ ।
आयोजकका अनुसार हरेक खेल २० मिनेटको हुनेछ र हरेक टिमले समूह चरणमा कम्तिमा ३ खेल खेल्नेछन् ।
दुईदिने यो प्रतियोगिताको विजेताले नगद ५० हजार रुपैयाँसहित ट्रफी, मेडल र सर्टिफिकेट, दोस्रो हुनेले नगद २० हजार रुपैयाँसहित ट्रफी, मेडल र सर्टिफिकेट र तेस्रो हुनेले नगद १० हजार रुपैयाँ प्राप्त गर्नेछन् । साथै प्रतियोगितामा उत्कृष्ट प्रदर्शन गर्ने एक खेलाडी, उच्च गोलकर्ता तथा उत्कृष्ट गोलकिपरले पनि आकर्षक पुरस्कार पाउनेछन् । प्रतियोगिताको आधिकारिक मिडिया पार्टनर बाह्रखरी हो ।
