काठमाडौं । न्यु डायमन्ड क्लब पाँचौं सस्करणको एनभीए भलिबल प्रतियोगिताअन्तर्गत महिलातर्फ फाइनलमा प्रवेश गरेको छ । 

बिहीबार भएको खेलमा न्यु डायमन्डले आर्मी क्लबलाई सोझो सेटमा पराजित गर्दै फाइनलमा एपीएफसँगको भेट पक्का गरेको हो । 

न्यु डायमन्डले पहिलो सेट २५-१५ मा जितेको थियो । त्यस्तै दोस्रो सेट २५-२२ र अन्तिम सेट २५-१३ मा जित निकालेको हो ।  अब महिलातर्फको फाइनलमा न्यु डायमन्ड र एपीएफ भिड्नेछन् ।
तस्बिर : हरिश क्षेत्री/बाह्रखरी