पोखरा । दोस्रो संस्करणको नमस्ते पोखरा प्रिमियर लिग (पीपीएल) टि–ट्वान्टी क्रिकेट प्रतियोगिता बुटवल बलास्टर्सका खेलाडी अफ्ताव उद्धिन अहमेदले अर्धशतक पूरा गरेका छन् । पोखरा रंगशालमा टस हारेर पहिले ब्याटिङ् गरेको पोखरा पल्टनले दिएको १२२ रनको लक्ष्य पछाएको बुटवलका लागि उनले अर्धशतक पूरा गरेका हुन् । 

३३ बल खेलेका अफ्तावउद्धिनले १० चौका सहयोगमा ५० रन बनाएका हुन् । ७ ओभरको खेल सकिँदा बुटवलले विना विकेटको क्षेतिमा ६३ रन बनाएको छ । प्रतियोगितामा दुई खेल खेलेको पोखरा दुई अंक सहित तालिकाको चौथो स्थानमा छ । 

दुई खेल खेलेको बुटवल दुई अंक सहित तालिकाको अन्तिम स्थानमा छ । आजको खेलमा दुबै टोली दोस्रो जितको खोजिमा छन् । फाइनल सम्भावनालाई जिवित राख्नलाई पोखरालाई जितको आवश्यक्ता छ । 

साविक विजेतासमेत रहेको पोखरा आजको खेलमा पनि पाराजित भएमा फाइनल सम्भावना मुस्किल हुनेछ । पहिलो खेलमा काठमाडौंविरुद्ध ९ विकेटको जित निकालेको पोखरा दोस्रो खेलमा दोस्रो खेलमा चितवन राइनोजसँग ६ विकेट र तेस्रो खेलमा विराटनगर टाइटान्ससँग ४५ रनले पराजित भएको थियो । 

उता बुटवल बलास्टर्स प्रतियोगिताको तेस्रो खेल खेलिरहेको छ । पहिलो खेलमा काठमाडौं गोल्डेन वारियर्ससँग सुपर ओभरमा जित निकालेको बुटवल दोस्रो खेलमा चितवनसँग ११९ रनको फराकिलो अन्तरले पराजित भएको थियो ।