व्यावसायिक फुटबलरहरुलाई अन्य मानिसको तुलनामा डिमेन्सिया हुने जोखिम साढे तीन गुणा बढी हुने गरेको एक अध्ययनले जनाएको छ । स्कटल्यान्डको ग्लास्गो विश्वविद्यालयले सार्वजनिक गरेको एक प्रतिवेदनअनुसार अन्य मानिसको तुलनामा व्यावसायिक फुटबलरलाई डिमेन्सिया तथा पार्किन्सन्सजस्ता रोगहरुको उच्च जोखिम हुन्छ ।
स्कटिश विश्वविद्यालयले पहिलोपटक मानवस्वास्थ्यमा पार्ने दीर्घकालीन प्रभावका विषयमा पूर्व फुटबलरमाथि अध्ययन गरेको थियो । खेल क्षेत्रमा न्यूरोसम्बन्धी अहिलेसम्मकै ठूलो अध्ययन भएको दाबी गरिएको छ । "फुटबलरमा मात्र नभई कुनै पनि खेल क्षेत्रमा न्यूरोसम्बन्धी गरिएको ठूलो अध्ययन हो," अनुसन्धान प्रमुख न्युरोप्याथोलोजिस्ट प्रोफेसर विली स्टेवरीले भने ।
अनुसन्धानका क्रममा अनुसन्धानकर्ताहरुले ७,६७६ स्कटिश पुरुष व्यवसायिक पूर्व फुटबरको मृत्युको कारणबारे अध्ययन गरेका थिए । सन् १९०० देखि १९७० को अवधिमा जन्मिएका उनीहरुलाई २३ हजार अन्य सामान्य मानिससाग तुलना गरिएको थियो ।
फुटबल एसोसियसन र व्यवसायिक फुटबर एसोसियसनको लगानीमा गरिएको उक्त अध्ययनमा अपेक्षाभन्दा साढे तीन गुणा बढी डिजेनेरेटिभ डिजिज् (विस्तारै शरीरका अंगहरु निस्क्रिय हुँदै जाने रोग) को जोखिम भएको पाइएको हो ।
उक्त अध्ययनको निष्कर्ष अनुसार पाँच गुणा बढी अल्जाइमर, चार गुणा बढी मोटर न्यरोन डिजिज् र दुई गुणा बढी पार्किनसन्स हुने गरेको पाइएको हो । उनीहरुलाई मुटु, क्यान्सर र फोक्सोसम्बन्धी रोग कम हुने पाइएको बताइएको छ ।
एजेन्सी