वुमन्स च्याम्पियन्स लिगका लागि  खेलाडी अनुबन्ध

वुमन्स च्याम्पियन्स लिगका लागि  खेलाडी अनुबन्ध

काठमाडौं । आगामी असोजमा त्रिविस्थित क्रिकेट मैदानमा हुने महिला फ्रेन्चाइज क्रिकेट लिग ‘वुमन्स च्याम्पियन्स लिग’ का लागि  खेलाडी अनुबन्ध गरिएका छन् ।

प्रतियोगिता आयोजक क्‍वीन्स ईभेन्ट म्यानेजमेन्टले मंगलबार राजधानीमा आयोजना गरेको ड्राफ्टबाट पाँच टोलीका लागि ११-११ खेलाडी अनुबन्ध भएका हुन् । डायमण्ड, रुबिज, सफायर्स र वाइल्ड कार्ड इन्ट्री गरी चार समूहमा खेलाडी विभाजन गरिएको थियो ।

जसमध्ये क्यापिटल रोयल्स काठमाडौंमा राष्ट्रिय टोलीकी कप्तान समेत रहेकी रुबीना क्षेत्री ७५ हजार रुपैयाँमा अनुबन्धित भएकी छिन् । त्यस्तै, अप्सरी बेगम र रोमा थापा पनि ७५-७५ हजारमा अनुबन्धित हुँदा संगती राई, सरसस्वती चौधरी र ममता थापा ५०-५० हजारमा अनुबन्धित भए भने सुमन विष्ट, नीतु भण्डारी,  ईश्वरी विष्ट र लक्ष्मी सेढाइ, मनिशा राना २५-२५ हजारमा अनुबन्धित भएका हुन् ।

पोखरा पल्टनमा सीता रानामगर, कबिता कुँवर र बिन्दू रावल ७५-७५ हजारमा अनुबन्धित हुँदा अञ्जली चन्द र अनुराधा चौधरी ५०-५० हजारमा अनुबन्धित भए भने रुबीना पुडर, रेवती धामी, मञ्जुकुमारी बोगटी, राजमती ऐरी, सरस्वती घर्तीमगर, नवीना खड्का र निशा भट्ट २५-२५ हजारमा अनुबन्धित भएका हुन् ।

चितवनमा काजग श्रेष्ठ ७५ हजारमा अनुबन्धित भएकी छिन्, भने रेखा रावल र सन्तोषिकुमारी चौधरी ५०-५० हजारमा अनुबन्धित भएका छन् । त्यस्तै, रितु कनौजिया, सुमन खतिवडा, सरस्वती पुन, अस्मिता खरेल, प्यारी चौधरी, कञ्चन श्रेष्ठ, सञ्जु लामा र सविता जिसी २५- २५ हजारमा अनुबन्धित भए ।

विराटनगरमा सोनु खड्का र आरती विडारी ७५-७५ हजारमा अनुबन्धित भएका छन् भने सरिता मगर, ज्योति पाण्डे, डली भट्ट, लक्ष्मी चौधरी, सपनम राई र प्रतिक्षा बस्याल ५०-५० हजारमा अनुबन्धित भए । त्यस्तै, कृष्णा गुरुङ, सर्मिला रोकामगर, अस्मिना कर्माचार्य र कृतिका मरासैनी २५-२५ हजारमा अनुबन्धित भए ।

ललितपुरमा निरी थापा, ममता चौधरी र करुणा भण्डारी ७५-७५ हजारमा अनुबन्धित हुँदा सरिता दिसुवामगर र रोशनी बिहारा ५०-५० हजारमा अनुबन्धित भएका छन् । त्यस्तै, कविता जोशी, कृति सेन, सीमा थापा, गीता गोसाई, शान्ति कुमारी चौधरी, सम्झना खड्का र अलिसा केसी २५- २५ हजारमा अनुबन्धित भए ।

प्रतिकृया दिनुहोस
ad