काठमाडौं । सञ्चार तथा सूचना प्रविधिमन्त्री रेखा शर्माले संविधान र कानुनमा भएका व्यवस्थाको बारेमा आमजनतालाई बुझाउन नसक्दा संविधान र कानुन कार्यान्वयनमा समस्या आएको बताएकी छन् । 

शुक्रबार नेपाल पत्रकार महासंघ ललितपुर शाखाको १४औँ अधिवेशन तथा वार्षिक साधारणसभालाई सम्बोधन गर्दै मन्त्री शर्माले संविधान र कानुनमा भएका व्यवस्थाका बारेमा जनतालाई बुझाउन नसक्दा कार्यान्वयनमा समस्या आएको बताएकी हुन् । उनले राजनीतिक आन्दोलनबाट प्राप्त उपलब्धिहरूलाई संविधानमा लेखिसकेपछि पनि कार्यान्वयन हुन नसकेको बताइन् । 

"कानुनमा उल्लेख गरे पनि मानिसहरूको दिल, दिमागमा पुर्‍याउन सकेका छैनौँ, त्यसमा कमजोरी भएको छ," उनले भनिन् । 

आगामी दिनमा संविधान र कानुनमा भएको व्यवस्था जनतालाई जानकारी गराउनका लागि अभियान नै सञ्चालन गर्नुपर्नेमा जोड दिइन् ।