वाशिङटन । रुसले २०१६को राष्ट्रपति चुनावको बेलामा डोनाल्ड ट्रम्पसँग साँठगाँठ गरेको थियो कि थिएन भन्ने बारेमा जाँचबुझ समितिले तयार पारेको रिपोर्ट बिहीबार सार्वजनिक गरिएको छ । रिपोर्टमा राष्ट्रपति ट्रम्पले सो जाँच गर्ने विशेष वकिल रबर्ट मुलरलाई हटाउने प्रयास गरेको भने खुलासा भएको छ ।
४४८ पानाको सो रिपोर्टमा रुससँगको उनको साँठगाँठको प्रसंगलाई ‘क्लिन चिट’ दिइएको छ । । विहीबार ह्वाइट हाउसले सो रिपोर्टको मुख्य भाग सार्वजनिक गरेको थियो । ट्रम्पको कानुनी टोलीले सो रिपोर्टलाई आफ्नो विजय भएको बताएको छ ।
राष्ट्रपति ट्रम्पले ट्विट गर्दै भनेका छन्,‘‘कुनै साँठगाँठ छैन, कुनै बाधा छैन । खेल खत्तम ।’’ विशेष वकिल मुलरले दुईवर्ष लगाएर यो रिपोर्ट तयार पारेका हुन् । प्रमुख विपक्षी डेमोक्र्याटले भने पुरै रिपोर्ट सार्वजनिक भएपछि मुलरलाई संसदमा प्रस्तुत हुन आग्रह गरेको छ । रिपोर्टमा मुलरलाई हटाउनका लागि ट्रम्पले २०१७मा ह्वाइट हाउसका पूर्व वकिल डान क्याक्कनसँग सम्पर्क गरेको कुरा उल्लेख छ ।
ट्रम्पले छानबिन समितिसँग अपशब्द बोलेको कुरा समेत प्रतिवेदनमा जनाइएको छ । (बीबीसी)