काठमाडौं । नेपाल टेलिकमले सात वटै प्रदेशमा फोर जी सेवा विस्तारको कामलाई तीव्रता दिएको छ ।
नेपाल टेलिकमकी प्रवक्ता प्रतिभा वैद्यले सात वटै प्रदेशमा फोर जी सेवा विस्तारको कामलाई तीव्रता दिइएको जानकारी दिएकी हुन् । बिहीबार काठमाडौंमा आयोजित 'सञ्चारकर्मीहरुसँगको अन्तरक्रिया' कार्यक्रममा बोल्दै उनले फोर जी सेवा विस्तारका लागि साइट सर्भेको काम ६५ प्रतिशत सम्पन्न गरिएको पनि बताइन् ।
नेपाल टेलिकमले १२ महिनामा सम्पन्न हुने गरी सबै प्रदेशमा फोर जी सेवा सञ्चालन गर्ने सम्झौता गत माघ २० गते गरेको थियो । सोही सम्झौता अनुसार सबै प्रदेशमा साईट सर्भेको काम ६५ प्रतिशत सम्पन्न गरिएको प्रवक्ता वैद्यले बताइन् । उनले फोरजी सेवा विस्तारका लागि आवश्यक उपकरणहरु भित्र्याउने काम सुरू गरिएको र त्यसको जडानको काम अर्को हप्ताबाट सुरु गर्ने पनि बताइन् ।
नेपाल टेलिकमले सबै प्रदेशमा फोर जी सेवा विस्तारका लागि चीनको जी कम्पनी र हङकङको सीसीएसआई कम्पनीसँग सम्झौता गरेको थियो ।
प्रवक्ता वैद्यले १ करोड लाईन मोबाईल आयोजना अन्तरगत समस्या देखिएको ठाउँमा ग्राहकको माग अनुसार मोबाईल टावर थप गर्ने कामलाई पनि निरन्तरता दिइएको बताइन् । नेपाल टेलिकमले सो आयोजना अर्न्तगत मोबाइल टावर थप गर्ने काम चालु आर्थिक वर्षभित्र सम्पन्न गर्ने लक्ष्यका साथ काम भइरहेको पनि जनाएको छ ।
टेलिकमको डाटा सबैभन्दा राम्रो र गुणस्तरमा सुधार
नेपाल टेलिकमले टेलिकमको डाटा प्याकको गुणस्तर सबैभन्दा राम्रो र सुधार भएको बताएको छ ।
टेलिकमको दायित्व व्यवसाय मात्र नभएर सेवा दिनु भएकाले मोवाईल र इन्टरनेट सेवालाई जनता सम्म पुर्याउन फोर्जी सेवा बिस्तार लाई जोड दिएको बताउँदै उनले छोटो समयमै फोर्जी सेवालाई बिस्तार गर्न इन्फाइस्टक्चर खरिद गरेको समेत जानकारी दिए ।
फोर्जी आयोजनालाई पुर्वाधारसहति प्याकेज गरिएको हुनाले कार्यक्रम लामो हुन गएको उनको भनाई थियो ।
आयोजनासंग समयानुसारको लेटेस्ट भर्सन उपकरण दिने भनी सम्झौता भएकाले प्रयोग ढिला भए पनि उपकरण नयाँ हुने र बजारमा छिटोपुगी ब्यापकता पाउने उनले बताए ।
प्राधिकरणले प्रदेश नम्बर १,२ र ३ को लागि फोर जी सेवा विस्तारका लागि मध्यपहाडी लोकमार्गलाई जिम्मा दिएकाले ९ महिना भित्रमा नै काम गरिसक्ने उनले दाबी गरेका छन् ।
हाल फोर जी प्रयोग भए पनि बजार र माग अनुसार २ र ३ जी नै बढी प्रयोग भएको बताएका उनले २०२५ सम्ममा फोर्जीबाट लाभ लिइसक्नु पर्नेमा जोड दिए ।
