काठमाडौं । सिलेट सिक्सरबाट बंगलादेश प्रिमियर लिग (बीपीएल) मा डेब्यु गरेका नेपाली राष्ट्रिय क्रिकेट टोलीका लेग स्पिनर सन्दीप लामिछानेले आफ्नो प्रभाव देखाइरहेका छन् । ढाकास्थित शेरे बंगाल राष्ट्रिय रंगशालामा भइरहेको खेलमा सन्दीपले आफ्नो ४ ओभर बलिङ गर्दै २ विकेट लिएका छन् ।
उनले ४ ओभरमा १६ रन खर्चेर २ विकेट लिएका हुन् । उनले शोहेब मल्लीक र अनुमल हाक्युलाई पवेलियन फर्काएका हुन् । मल्लीकलाई सन्दीले शविर रहमानको हातबाट क्याच गराएका थिए भने अनुमललाई स्टम्पिङ गरेका थिए ।
४ ओभर बलिङ गरेका सन्दीपले पहिलो ओभरमा ५, दोस्रो ओभरमा ३, तेस्रो ओभरमा ६ रन तथा अन्तिम चौथो ओभरमा २ रन खर्चेका थिए ।
सिलेट सिक्सर्सले दिएको १२८ रनको लक्ष्य पछ्याएको कोमिल्ला भिक्टोरियान्सले १६ ओभरमा ५ विकेट गुमाएर ९१ रन बनाएको छ । यसअघि पहिलो ब्याटिङ गरेको सिक्सरले निर्धारीत २० ओभर खेल्दै ८ विकेट गुमाएर १२७ रन बनाएको थियो ।
भिक्टोरियान्सविरुद्ध सिक्सरका निकोलास पुरानले सर्वाधिक ४१ रन बनाए । उनले २६बल खेल्दै ५ चौका र २ छक्काको मद्दतमा ४१ रन बनाए ।
त्यस्तै, अर्को ब्याट्सम्यान अफिफ हुसेन र आलोक कपालीले समान १९ रन बनाए भने कप्तान डेृभिड वार्नरले १४ रन बनाएका थिए । सिक्सर्सका लागि अन्य ब्याट्सम्यानहरुले दोहोरो अंक जोड्न सकेनन् ।
सिक्सर्सलाई कम रनमा रोक्न भिक्टोरियान्सका मोहमद सौफेदुनल, मोहमद शाहिदी र मोहमद हसनले समान २२ विकेट लिएका थिए भजनने शाहिद अफ्रीदीले एक विकेट लिएका थिए ।