काठमाडौं । पत्रकार सरोजराज अधिकारीको उपन्यास धम्बोझी प्रकाशनमा आएको छ । पुस्तक आजबाट बजारमा सर्वत्र उपलब्ध छ । झन्डै दुई दशकदेखि पत्रकारितामा सक्रिय अधिकारीको यो चौथो पुस्तक हो । यसअघि उनको गैर–आख्यानतर्फ ‘जासुसीको जालो : विदेशी गुप्तचरको नेपाल चलखेल’ र ‘चक्रव्यूहमा चन्द्रसूर्य : राष्ट्रिय सुरक्षा र स्वाधीनताका चुनौती’ नामक खोजमूलक पुस्तक प्रकाशन भैसकेको छ । त्यस्तै आख्यानतर्फ ‘रूपबजारकी नोरा’ कथा संग्रह पनि प्रकाशनमा छ ।
मधेश राजनीति र पछिल्लो मधेश आन्दोलनको आरोह-अवरोहमाथि लेखिएको धम्बोझी उपन्यासमा आन्चालिक परिवेश र अवधी भाषिकाको प्रयोग सहितको संवादले देहाती भाव सन्चार गरेको उपन्यासकारले बताएका छन् । नेपालगन्ज, बाँकेको सेरोफेरोमा लेखिएको यस उपन्यासले मधेशमा राजनीतिक अधिकारका लागि भएको लामो संघर्ष र धोकाधडीलाई केन्द्रीय विषय बनाएको छ ।
यसैबीच सांग्रीला बुक्सले धम्बोजी प्रकाशनको अवसर पारेर आफ्नो प्रकाशन र अन्य गरि तीन सय पुस्तक सिन्धुलीको झाँगाझोली, रातामाटास्थित प्रगतिशील माविका सहायक प्रधााध्यापक केशव भट्टराईलाई हस्तान्तरण गरेको छ । “लेखकले पुस्तक विमोचन कार्यक्रम नगरिकनै बजारमा पठाउन भनेपछि हामीले लोकार्पण खर्च बराबरको पुस्तक सामुदायिक विद्यालयलाई उपलब्ध गराउने निर्णय गरेका हौँ,” प्रकाशक मणि शर्माले जानकारी दिए ।
लेखकका चारवटै पुस्तक अनलाइन किताब बिक्रेता किताबयात्रा डट कम र इ(सेवा पसल मार्फत मात्र नौ सय उनान्सय रुपैयाँमा उपलब्ध छ ।
धम्बोझी उपन्यासलाई चांडै सांग्रीला बुक्स(इन्डिया मार्फत हिन्दि र अंग्रेजी भाषामा आउँदैछ छ । अँग्रेजी र हिन्दि भाषामा यसलाई सोमेश बर्माले अनुवाद गर्नेछन् ।
सांग्रिला बुक्सले प्रकाशन गरेको यस उपन्यासको मूल्य ३५८ रहेको छ ।
