Skip Advt.

पहिलो हाफमा पुलिस क्लबको एक गोलको अग्रता

पहिलो हाफमा पुलिस क्लबको एक गोलको अग्रता

काठमाडौं । सहिद स्मारक ए डिभिजन लिगको आज भएको जावलाखेल युुथ क्लब र नेपाल पुुलिस क्लबबीचको खेलमा पुलिस क्लबले पहिलो हाफमा एक गोलको अग्रता बढाएको छ । पुलिसका लागि अजित भण्डारीले उत्कृष्ट गोल गर्दै पहिलो हाफमा टिमलाई अग्रता दिलाएका थिए ।

खेलको ३१ औं मिनेटमा तेज तामाङको क्रसलाई अजितले पोष्टको दिशा दिएका थिए । जावलाखेलका ओलालेकन अफिज लवालले सुमन लामालाई लडाएपछि पुलिसले फ्रीकिक पाएको थियो । फ्रीकिकमा सुमनलेसँगै रहेका तेजलाई पास दिए । तेजले केही अगाडि बढेर प्रहार गरेको बललाई क्रसमा अजितले गोल गरेका हुन ।

त्यसअघि पनि पुलिस क्लबले गोलको केही राम्रा अबसर सिर्जना गरेको थियो  । खेलको सातौं मिनेटमा  पुलिसका सुमन लामाको फ्रीकिक थोरैले बहिरिएको थियो ।

त्यसको तीन मिनेट बित्न नपाउदै सन्तोष हेमरूनको क्रसमा अभिषेक रिजालले बक्सभित्रबाट गरेको हेडले पनि पोष्टको दिशा लिन सकेन । त्यस्तै, खेलको २० औं मिनेटमा सन्तोष हेमरूनले गरेको प्रहार जावलाखेलका गोलकिपर टेकेन्द्र थापाले संघर्षपूर्ण बचाउ गरेका थिए ।

प्रतिकृया दिनुहोस