खेल
एजेन्सी, लण्डन । इन्ग्लिश प्रिमियर लिग च्याम्पियन लेष्टर सिटीका कप्तान वेस मोर्गन लेष्टरमै रहने भएका छन् । मंगलबार क्लबसँग तीन वर्षे नयाँ सम्झौता गरेपछि कप्तान मोर्गन लेष्टरमै रहने भएका हुन् ।
नयाँ सम्झौतासँगै डिफेन्डर मोर्गन आगामी २०१९ को जुनसम्म लेष्टरमै रहने छन् । गएको सिजन लेष्टरलाई उपाधि दिलाउने क्रममा जमैकन मोर्गनले महत्वपूर्ण भूमीका खेलेका थिए । लेष्टर आएपछि मोर्गंले क्लबका लागि १ सय ८२ खेल खेलेका छन् । त्यस्तै गत सिजन ३८ खेल खेलेका मोर्गनले २ गोल समेत गरेका थिए ।
नयाँ सम्झौतापछि मोर्गनले प्रिमियर लिगको उपाधि उचाल्नु आफ्ना लागि सबै भन्दा महत्वपूर्ण क्षण गरेको र अब च्याम्पियन्स लिगमा पनि राम्रो प्रदर्शन गर्ने बताए । “प्रिमियर लिगको उपाधि जित्नु मेरोलागि महत्वपूर्ण क्षण थियो । नयाँ सम्झौताले थप जिम्मेवारी आएको छ,” मोर्गनले भने, “अब हामीले च्याम्पियन्स लिगमा राम्रो गर्नुपर्ने हुन्छ ।”
मोर्गनको क्लबसँगको सम्झौता जुलाइबाट सकिँदै थियो । ३२ वर्षका मोर्गन सन् २०१२ को जनवरीमा नोटिङह्याम फोरेस्टबाट लेष्टर आएका थिए ।
प्रकाशित मिति: बुधबार, साउन ५, २०७३ ११:५४
प्रतिक्रिया दिनुहोस्