काठमाडौँ । बार्सिलोनाका फरवार्ड लुइस स्वारेजले स्पेनिस क्लब बार्सिलोनासँग सम्झौता नविकरण गरेका छन् । स्वारेज र बार्सिलोनाले शुक्रबार नयाँ सम्झौतामा हस्ताक्षर गरेका हुन् । नयाँ सम्झौतापछि स्वारेज अब सन् २०२१ सम्म बार्सिलोनामा रहनेछन् । नयाँ सम्झौता पछि २९ वर्षिय स्वारेजले २०० मिलियन युरो पारिश्रमिक पाउनेछन् ।
स्वारेजसँगको नयाँ सम्झौतासँगै अब बार्सिलोनाको अग्रपंक्ती स्वारेज, लियोनल मेस्सी र नेयमारले सम्हाल्नेछन् । उरुग्वेका स्ट्राइकर स्वारेजले गत सिजन बार्सिलोनाका लागि ४० गोल गरेका थिए । स्वारेजकै उत्कृष्ट खेल प्रदर्शनको कारण बार्सिलोनाले गत सिजन ला लिगाको उपाधि उचालेको थियो । लिभरपुरका पूर्व खेलाडी स्वारेजले अहिलेसम्म १ सय १६ खेलमा ९७ गोल गरेका छन् । यसबीचमा स्वारेजले ८ वटा ट्रफ्रि उचालिसकेका छन् ।