काठमाडौं । भारतको सानको रुपमा रहेको ताजमहल हेर्न विश्वभरीबाट वर्सेनि आगरा पुग्ने गरेका छन् । यसको बारेमा तपार्इं हामीले विभिन्न रहस्य सुन्दै आएका छौं । यसको विभिन्न रहस्य मध्ये एउटा हो बिक्री । विश्वकै सातौं आश्चर्य ताज महल तीन पटक बिक्री भइसकेको छ । २००७ मा ताज महललाई विश्वको सातौं आश्चर्यमा समावेश गरिएको थियो ।

ताज महललाई बिहारका एक ठग मानिने नटवरलालले बिक्री गरेको अमर उजालाको अनलाइन संस्करणमा उल्लेख गरिएको छ । उनले लाल किल्लालाई दुई पटक र राष्ट्रपति भवनको पनि एक पटक बिक्री गरेको अमर उजालाले जनाएको छ ।

नटवरलालको ठगीको १०० भन्दा बढी ओरोप लागेको छ । उनलाई फरक फरक मामिलामा १०० वर्षभन्दा बढीको जेल सजाय पनि भएको थियो ।

भारतकै सर्वाधिक ठगको रुपमा चर्चित नटवरलाललाई सन् १९९६ मा नयाँ दिल्ली प्रहरीले रेल स्टेसनमा देखेको तर उनी तीन प्रहरीलाई छलेर भाग्न सफल भएका थिए । यसपछि उनलाई कहिलेपन फेला पार्न सकिएको थिएन ।