काठमाडौं । अंग्रेजी सेनालाई तत्कालीन गोर्खाली सेनाले धुलो चटाएको सम्झनामा ऐतिहासिक सिन्धुलीगढीसम्म मंगलबार साइकल यात्रा सुरु भएको छ । यात्रामा ८० जना व्यावसायिक साइकल यात्री सहभागी भएका छन् । यात्रा बिहान भृकुटीमण्डपस्थित पर्यटन बोर्डबाट सुरु भएको हो ।  उक्त साइकल यात्राको उद्घाटन सभासदहरू हरिबोल गजुरेल, गणेश पहाडी, मोहन बराल र पर्यटन बोर्डका सदस्य घनेन्द्र श्रेष्ठले झण्डा हल्लाएर गरेका थिए । 

समृद्ध सिन्धुली नागरिक अभियानले स्टोरी साइकलसँगको सहकार्यमा काठमाडौंबाट साइकल यात्रा आयोजना गरेको हो । ‘राइड टु सिन्धुली गढी’ नाम दिइएको साइकल यात्रा कात्तिक २३ र २४ गते काठमाडौं–धुलिखेलहुँदै जाने रमणीय वीपी राजमार्गमा हुनेछ ।