काठमाडौं । नेपाली कथानक चलचित्र ‘जात्रा’ को ‘हजार समाऔं, लाख कमाऔं’ अफरअन्तर्गत अघिल्लो साता वर्षा राउतसँगको डेटिङ थियो भने आउँदो साता फिल्मकी अर्की अभिनेत्री प्रेक्षा बज्राचार्यसँग दर्शकले डेटिङको अवसर पाउँदैछन् । 

डेटिङका लागि प्रेक्षा तयार रहेपनि डेटमा जाने युवक भने अझै फेला परेका छैनन् । “अघिल्लो साता वर्षा जी सँगको डेट जस्तै आउँदो साता प्रेक्षासँगको डेटको कार्यक्रम छ,” जात्राका निर्देशक प्रदीप भट्टराईले भने, “तर, समय र जेटमा जाने दर्शक को हुने त्यो भने निश्चित भइसकेको छैन ।” डेटिङका लागि अफर जित्नु पर्नेछ । 

प्रेक्षाले पनि आफू डेटका लागि उत्साहित रहेको बताइन् । “के कुरा गर्ने विषयमा निर्माण युनिटसँग छलफल भइसकेको छैन,” उनले भनिन्,“डेटका लागि व्यक्ति तोकिएपछि प्रदीप दाईसँग छलफल गर्नु पर्ला, वर्षा जिसँग पनि अघिल्लो हप्ता के कस्तो कुरा भयो सोध्न पनि पाएको छैन । उहाँलाई पनि सोध्नु पर्ला ।”

अघिल्लो साता शनिबार वर्षा राउत प्रदीप पौडेलसँग डेट गएकी  थिइन् । 

कात्तिक २६ गते रिलिज हुने ‘जात्रा’ को अर्को साता विपिन कर्की (भस्मे) र रविन्द्र सिंह बानिया (हनुमान) सँग दर्शकले डेट जान पाउने छन् । 

यसका लागि ‘जात्रा’को फेसबुक पेजमा राखिएको ‘जीआईएफ’ मा चल्ने चित्रहरुमध्ये हजारको नोट समातेर त्यसको स्क्रिनसट कमेन्टबक्समा खसाल्नुपर्नेछ ।