काठमाडौं । ब्राजिलका स्ट्राइकर नेयमार स्पेनिस च्याम्पिन क्लब बार्सिलोनामा आबद्ध हुनु अजेन्टिनाका स्टार स्ट्राइकर लियोनल मेस्सी मुख्य कारण भएको नेयमारका बुवाले बताएका छन् । नेयमारको बुवा नेयमार सान्तोस सिनियरले कोप पत्रिकासँगको कुराकानीमा आफ्नो छोरा बार्सिलोनामा रहनुको कारण पाँच पटकको बालोन डि’ओर विजेता ‘आइडियल’ मेस्सी रहेको बताएका हुन् ।

“मेस्सी नेयमारका ‘आइडल’ हुन् र उसँग खेल्नु उसको लागि सुखद पक्ष हो,“नेयमार सान्तोसले भने, “मेस्सीसँग खेल्न पाउँदा उ दङ्ग छ । जसको कारण उ बार्सिलोनामा रहेका छन् । “मेस्सी सन् २०१३ मा ब्राजिलियन क्लब सान्तोसबाट बार्सिलोना आएका थिए । नेयमार आएपछि बार्सिलोनाले दुई पटक ला लिगा र एक पटक च्याम्पियन्स लिगको उपाधि जितिसकेको छ ।

त्यस्तै नेयमारका बुबाले मेस्सी, क्रिष्टियानो रोनाल्डो जस्ता खेलाडी नभएको भए नेयमार जस्ता खेलाडी नआउने बताए । उनले भनेका छन्, “मेस्सी र रोनाल्डो नजन्मिएको भए नेयमार जस्ता खेलाडी आउने थिएनन् । पेले र म्याराडोनाको प्रभावले गर्दा अन्य खेलाडी जन्मिए जस्तो । “नेमायरलाई त्यसबेला बार्सिलोनाले सन् २०२१ सम्मका लागि अनुबन्ध गरेको थियो । 

यस्तै नेयमारका बुबाले यसपालिको बालोन डि’ओरको उपाधि मेस्सीले जित्ने बताए । उनले भने, “बालोन डि’ओरको उपाधि मेस्सीले जित्नेछन् । यस पटकको बालोन डि’ओरको प्रारम्भिक सूचीमा मेस्सी रोनाल्डोसँगै नेयमार पनि परेका छन् ।