काठमाडौं । नेपाल प्रिमियर लिग (एनपीएल)को पहिलो संस्करणमा विराटनगर किंग्स्मा अनुबन्धित भएमा मार्टिन गप्टिल नेपाल आइपुगेका छन् । न्युजिल्यान्डका पूर्वओपनर ब्याटर गप्टिल एनपीएल खेल्न बिहीबार नेपाल आइपुगका हुन् । 

उनलाई विराटनगरका प्रतिनिधिले त्रिभुवन अन्तर्राष्ट्रिय विमानस्थलमा स्वागत गरेका थिए । एनपीएलको पहिलो संस्करण मंसिर १५ देखि पुस ६ गतेसम्म कीर्तिपुरस्थित त्रिवि क्रिकेट मैदानमा आयोजना हुने तालिका छ । 

सन् २०१४ को एकदिवसीय विश्वकपमा वेस्ट इन्डिजविरुद्ध दोहोरो शतकसहित अविजित २३७ रन बनाएपछि गप्टिल चर्चाको शिखरमा आएका थिए । गप्टिलले न्युजिल्यान्डबाट ४७ टेस्ट, १९८ एकदिवसीय र १२२ टी–२० अन्तर्राष्ट्रिय खेल खेलेका छन् । 

यसक्रममा उनले टेस्टमा दुई हजार ५८६, एकदिवसीयमा सात हजार ३४६ र टी–२० मा तीन हजार ५३१ रन बनाएका छन् । गप्टिलले न्युजिल्यान्डबाट सन् २००३ मा डेब्यु गर्दा २०२३ मा सन्न्यास लिएका थिए । 

गप्टिलसँग भारतको इन्डियन प्रिमियर लिग (आईपीएल), पाकिस्तान सुपर लिग (पीएसएल), बिग बास लिग (बीबीएल) र क्यारेबियन प्रिमियर लिग (सीपीएल) जस्ता विश्व चर्चित फ्रेन्चाइज क्रिकेट लिगको अनुभव छ ।