फ्रान्स । फ्रान्सको जङ्गलमा अस्थायी वस्ती बनाई बसेका शरणार्थीका टहरा फ्रान्स सरकारद्वारा एक्सकाभेटर लगाई भत्काई दिएपछि बालबालिका सहित दर्जनौ शरणार्थीले खुला आकाशमुनि रात बिताउन बाध्य भएका बताए । 

प्रशासनद्वारा कालाइसिस र वरपरका क्षेत्रमा रहेका शरणार्थीका यसै छाप्रा नाटकीय रुपमा भत्काइदिएको थियो । 

बाँकि अस्थायी शिविरलाई पनि हटाउने अभियानमा प्रशासन लागेपछि आफूहरु समस्यामा परेको, एक अफगानी किशोरले बताए । 

यसैबीच, फ्रान्सको गृह मन्त्रालयले कालाइसिस र वरपर रहेको जङ्गली क्षेत्रलाई सफा गरी पाँच हजार आप्रवासीलाई अन्यत्र सारिएको जनाएको छ । 

तर करिव एक सय आप्रवासीले आफ्ना नातेदार बेलायतमा रहेको भनी त्यसतर्फ जाने योजना अन्तर्गत जर्वजस्ती जङ्गल क्षेत्रमा बसिरहेको प्रशासनको दाबी छ । 

हामीले जङ्गली क्षेत्रमा रहेको शरणार्थीलाई त्यहाँबाट अन्यत्र जानका लागि अन्तिम अवसर प्रदान गर्दै गाडीको प्रवन्ध गरिदिएका छौं र यो हाम्रो अन्तिम आग्रह हुनेछ, फ्रान्सेली अधिकारीले बताए । रासस÷एएफपी