काठमाडौं । भारतमा एक किसानको जग्गा अधिग्रहण गरेबापत रेलवे विभागले उनलाई दिनुपर्ने मुआब्जा नतिरेपछि कर्नाटक राज्यको हरिहर स्टेशनमा गुडिरहेको एक रेललाई अदालतले कब्जामा लिएको बीबीसीले जनाएको छ । एक रेलवे अधिकारीले अदालत आएर लिखित रूपमा मुआब्जा तिर्ने प्रतिबद्धता जनाएपछि उक्त रेललाई छाडिएको बताइएके छ । यसकारण उक्त रेल डेढ घण्टा उक्त स्टेशनमा रोकिनुपरेको थियो ।

कब्जामा लिएका बेला उक्त रेलमा १०० जना यात्रु रहेको बताइएको छ । रेलवे विभागले एभी शिवकुमार नामका एक किसानको जग्गा २००६ मा अधिग्रहण गरेको थियो । तर आजसम्म पनि पैसा तिर्न आनाकानी गर्दै आएका थियो । त्यसपछि उनले अदालतमा मुद्दा दायर गरेका थिए । अदालतले रेलवे बिभागलाई साँवा तथा त्यसको ब्याज मिलाएर तिर्न भनेको छ ।

अदालतका एक अधिकारीका अनुसार हरिहर स्टेशनमा रेलवे सुरक्षा बल सहयोगमा  मैसुर गइरहेको सिद्धगंगा इन्टर सिटी एक्सप्रेसलाई औपचारिक रुपमा जफत गरेको थियो ।