काठमाडौं । चेल्सीका फरवार्ड जाओ फेलिक्स लोनमा इटालियन क्लब एसी मिलान पुगेका छन् ।

२५ वर्षीय फेलिक्सका निम्ति इटालियन क्लब मिलानले पाँच मिलियन पाउन्ड ‘लोन फि’ तिरेको छ । तर, सम्झौतामा फेलिक्ससँग भविष्यमा स्थायी सम्झौता गर्न सकिने व्यवस्था भने नरहेको बीबीसीले खुलाएको छ ।

फेलिक्सले गत अगस्टमा चेल्सीसँग सात वर्षको सम्झौता गरेका थिए । त्यसअघि उनले सन् २०२२–२३ सिजन चेल्सीबाट लोनमा खेलेका थिए ।

बेन्फिकाबाट व्यावसायिक फुटबलको सुरुआत गरेका फेलिक्स सन् २०१९ मा स्पेनिस क्लब एट्लेटिको मड्रिडमा अनुबन्धित भएका थिए । उनले सन् २०२३–२४ सिजन स्पेनिस क्लब बार्सिलोनामा बिताएका थिए ।