काठमाडौं । जुनिम गहतराजको निर्देशनमा निर्माण भएको चलचित्र ‘तान्डवम्’को टिजर सार्वजनिक भएको छ । शुक्रबार सार्वजनिक भएको टिजर कलाकार अंकित खड्काको संवादबाट सुरु हुन्छ । 

टिजरमा ‘भगवान पनि मै हुँ, राक्षस पनि मै हुँ’ संवादसँगै अन्त्य हुन्छ । डार्क थिममा तयार पारिएको टिजरमा सवै प्रमुख पात्र अटाएका छन् । 

फगुन ९ गतेबाट प्रदर्शनमा आउन लागेको सिनेमामा अंकित र जुनिम गहतराजसँगै पुष्कर गुरुङ, प्रेम सुब्बा, सरिना मगर, अनोज पाण्डे, कमल कार्की, गोपाल कटुवालको अभिनय छ । 

यो चलचित्रले एक नवविवाहित जोडीले पहिलो सन्तानको स्वागतको तयारी गरिरहँदा उनीहरूको जीवनमा घट्ने अकल्पनीय घटनाले निम्त्याउने उतारचढावको कथा देखाउनेछ । 

चलचित्रको कथा, पटकथा तथा संवाद अनिरुद्ध आत्रेय र हुसेनले लेखेका छन् ।